Իմ տունը մնաց Արցախում. ցուցահանդես

  • by Western Armenia, 26 Փետրվարի, 2024 in Մշակույթ
65 դիտում

Ալեքսանդր Թամանյանի անվան ճարտարապետության ազգային թանգարան-ինստիտուտում բացվել է «Իմ տունն Արցախում» լուսանկարչական ցուցահանդեսը, որը տևելու է մինչև մարտի վերջ։

Միջոցառումը կազմակերպվել է Մարկ Գրիգորյանի, Ալեքսանդրա Լիվերգանտի, Յան Շենկմանի, Ժենյա Ենգիբարյանի եւ Նինա Իսկանդարյանի ջանքերով։

Ցուցահանդեսը ներկայացնում է Արցախի վերջին ողբերգական իրադարձությունների հետևանքով՝ իրենց տունը կորցրած  արցախցիների պատմությունները` տան լուսանկարներով:

Ցուցահանդեսի մասնակիցների խոսքով` շատ բան չէին կարող իրենց հետ վերցնել և հոգու խորքում կարծում էին, որ սա վերջին անգամը չէր լինի, որ կտեսնեն իրենց տունը։ Շատերը նույնիսկ դուռն են կողպել ու բանալին վերցրել:

Ինչքան ցավոտ է հարազատ տունը թողնելը, նույնքան էլ դժվար է՝ հետո այդ տան նկարները նայելը: Յուրաքանչյուր նկար մի ուրույն հուզական պատմություն է հիշեցնում` գրքերով լեցուն, կիթառով սիրելի սենյակը, պարտեզում տնկած բարիքները, մտերիմների հետ անցկացրած ամբողջ  կյանք։