Պոլսի Պոյաճըգյուղ թաղամասի Սուրբ Երից Մանկանց եկեղեցում այս տարի ևս Մարիամ Աստվածածնի տոնի առիթով պատրաստվում է ավանդական հարիսա։
Շաբաթ օրը եկեղեցու պատմական կաթսայում ցորենից և մսից պատրաստված հարիսան կբաժանվի համայնքի անդամներին հաջորդ օրվա Սուրբ Պատարագից հետո։
Հարիսայի պատրաստության ավանդույթը Պոյաճըգյուղում վերջին տարիներին աստիճանաբար վերականգնվում է և կապվում է Վաքըֆգյուղի հայկական ավանդական տոնակատարությունների հետ։
Նախաձեռնությունը նպատակ ունի եկեղեցական տոնը վերածելու համայնքային համախմբման և ուրախության առիթի՝ վերակենդանացնելով հայկական ավանդական տոնական սովորույթները Պոլսի համայնքային կյանքում։