Օգոստոսի 20-ին Պոլսահայ միության մշակութային և տիկնանց հանձնախմբերի նախաձեռնությամբ անցկացվել է ավանդական ընտանեկան երեկո։
Միջոցառման թեման խնձորն էր։ Երեկոյի ընթացքում ներկայացվեցին խնձորի խորհրդանշական նշանակությունն ու դրա հետ կապված հետաքրքիր մտքեր՝ զուգահեռներ անցկացնելով անցյալի և մերօրյա կյանքի միջև։
Հյուրերը վայելեցին տիկնանց հանձնախմբի պատրաստած ավանդական ուտեստներն ու աղանդերը, իսկ երեկոն շարունակվեց խաղերով և ժամանցային ծրագրով։ Միջոցառումը համախմբեց համայնքի անդամներին՝ ստեղծելով ջերմ ու ընկերական մթնոլորտ։