Արևմտյան Հայաստանում գտնվող Ալեքսանդրեթ քաղաքում հայկական Կարասուն Մանուկ եկեղեցում մոտ օրերս կսկսվեն վերականգնման աշխատանքներ։ Եկեղեցին լուրջ վնասներ էր ստացել 2023 թվականի փետրվարի 6-ի երկրաշարժերի հետևանքով, որոնք հարվածել էին Մարաշի և Հաթայի շրջաններին։
Երկրաշարժի հետևանքով վնասվել են ոչ միայն եկեղեցին, այլև եկեղեցական հիմնադրամին պատկանող ութ խանութներ և հարակից շինություններ։
Մինչդեռ փորձագետները հիշեցնում են, որ Ալեքսանդրեթը գտնվում է Արևմտյան Հայաստանում, որտեղ դարեր շարունակ ապրել են հայեր և կառուցել բազմաթիվ եկեղեցիներ ու մշակութային հուշարձաններ։ Սակայն տարիների ընթացքում այդ ժառանգության մեծ մասը Թուրքիայում անտեսվել կամ ավերվել է, իսկ հայկական բազմաթիվ պատմական կառույցներ հայտնվել են կործանման եզրին։
Այս ֆոնին հարց է առաջանում՝ Թուրքական ռեժիմը ոչ միայն չի ճանաչում ավանդական հայկական ժառանգությունը, այլև բազմիցս նսեմացրել, փոփոխել ու ներկայացրել է հայկական եկեղեցիները որպես այլ մշակույթի մաս, քանզի կարող են դրանք վերականգնել, բայց ոչ որպես հայկական։