Արևմտյան Հայաստանի Արդահան նահանգի Քուշուչմազ գյուղի Կարմիր եկեղեցի (Քըզըլ Քիլիսե) բնակավայրում շարունակվում են ջրի հորատման աշխատանքները։
Թուրքական աղբյուրի հաղորդմամբ՝ Արդահանի «Արդարություն և զարգացում» կուսակցության նահանգային ղեկավար Հասան Շենելը կուսակցության վարչության անդամների հետ այցելել է աշխատանքների իրականացման վայր և ծանոթացել դրանց ընթացքին։
Հորատման աշխատանքների նպատակն է ապահովել բնակավայրի բնակիչների խմելու և կենցաղային ջրի պահանջարկը։ Աշխատանքների ավարտից հետո նախատեսվում է պարզել ստացված ջրային աղբյուրի բավարարությունը։
Կարմիր եկեղեցի տեղանունը ևս մեկ անգամ ուշադրություն է հրավիրում Արևմտյան Հայաստանի պատմական հայկական տեղանունների պահպանման կարևորության վրա։
