Հայաստանի մի շարք հասարակական կազմակերպություններ կոչ են արել Եվրոպական միությանը պահանջել Ադրբեջանից հետաքննել Արցախի հայկական մշակութային ժառանգության ոչնչացման, յուրացման և ձևափոխման դեպքերը։
Հայտարարության համաձայն՝ սեպտեմբերի 11-12-ին Արցախ այցելած օտարերկրյա դիվանագետներին հայկական վանական համալիրները ներկայացվել են որպես «կովկասյան աղվանական» ժառանգություն։ ՀԿ-ները մտահոգություն են հայտնել նման մոտեցումների վերաբերյալ և միջազգային հանրությանը կոչ արել ապահովել հայկական մշակութային ժառանգության պաշտպանությունն ու անկախ միջազգային դիտարկումը։