Կեսարիայի և հարակից շրջանների ստորգետնյա քաղաքներում հայտնաբերվել են ոչ միայն բնակության ու պաշտպանության, այլև ժայռափոր եկեղեցիներ և աղոթատեղիներ։
Տարածքում ուսումնասիրվել է ավելի քան 20 ստորգետնյա քաղաք։ Աղըռնասի ստորգետնյա քաղաքում պահպանվել է միանավ, ժայռափոր եկեղեցի՝ կիսաշրջանաձև խորանով, որը մասնագետները նախնականորեն թվագրում են 10–11-րդ դարերով։
Գեսիի տարածքում ևս հայտնաբերվել է երեք խորան ունեցող ժայռափոր եկեղեցի, որը գույքագրման մեջ ներկայացվում է որպես բյուզանդական եկեղեցի։ Այս կառույցները վկայում են Կեսարիայի տարածաշրջանի ժայռափոր և ստորգետնյա ժառանգության մեջ կրոնական կառույցների կարևոր դերի մասին։