1919 թվականին արված այս բացառիկ լուսանկարում պատկերված են Հայերի ցեղասպանությունը վերապրած հայ աղջիկներ, որոնք ազատագրվել էին թուրքական գերությունից և տեղափոխվել ամերիկյան խնամակալության ներքո գործող որբանոցներ։

Նրանք այն հազարավոր երեխաներից էին, որոնք ցեղասպանության տարիներին կորցրել էին իրենց ընտանիքները, բռնի տեղահանվել, առևանգվել կամ ենթարկվել բռնի ձուլման։ Նրանցից շատերին հայտնաբերեցին և փրկեցին ամերիկյան Near East Relief կազմակերպության իրականացրած մարդասիրական գործողությունների շնորհիվ։

Այս լուսանկարը ոչ միայն պատմական վկայություն է, այլև հիշեցում Հայերի ցեղասպանության մարդկային ողբերգության, վերապրածների տոկունության և ազգային հիշողության պահպանման կարևորության մասին։

Պատրաստեց՝ Քեղամ Փափազյան