«երիտասարդ դեսպան» ծրագրի մասնակիցները սեպտեմբերի 7-ին այցելել են Հայերի ցեղասպանության հուշահամալիր և հարգանքի տուրք մատուցել Հայերի ցեղասպանության անմեղ զոհերի հիշատակին։
Երիտասարդները ծաղիկներ են խոնարհել զոհերի հիշատակին, ապա այցելել Հայերի ցեղասպանության թանգարան-ինստիտուտ՝ ծանոթանալով հայ ժողովրդի պատմության և ցեղասպանության մասին վկայող նյութերին։
Այնուհետև նրանք այցելել են «Եռաբլուր» զինվորական պանթեոն և լռությամբ հարգել հայրենիքի պաշտպանության համար իրենց կյանքը զոհաբերած հերոսների հիշատակը։
Օրվա երկրորդ հատվածում երիտասարդ դեսպաններն այցելել են Մատենադարան՝ ծանոթանալով հայ ձեռագրական հարուստ ժառանգության պատմությանն ու նշանակությանը։