«Հայ Ճամփա» ռազմահայրենասիրական ճամբարում անցկացվել է Կարինի ռազմապարի դասընթաց։ Ճամբարականները սովորել են հայկական ավանդական պարային շարժումներ՝ միաժամանակ զարգացնելով ճկունությունն ու ֆիզիկական պատրաստվածությունը։
Դասընթացի ընթացքում մասնակիցները սովորել են Կարինի Քոչարին՝ ծանոթանալով հայկական ազգային պարի ավանդույթներին և այն փոխանցելով նոր սերնդին։
Ռազմապարը ճամբարի առօրյայում ոչ միայն մարզական, այլև մշակութային և հայրենասիրական կարևոր բաղադրիչ է։