Արևմտյան Հայաստանի Հանրապետության Ազգային ժողովի հիմնադրման 13-րդ տարեդարձի շրջանակում ելույթ ունեցավ Արևմտյան Հայաստանի Հանրապետության նախագահ՝ Արևմտյան Հայաստանի ազգային խորհրդի նախագահ Արմենակ Աբրահամեանը։
Արմենակ Աբրահամեանը իր ելույթում ընդգծեց, որ Ազգային ժողովի ստեղծման գաղափարը ձևավորվել է երկարատև քննարկումների և պատմական իրավական հիմքերի վրա։ Նա հիշեցրեց, որ 2012 թվականի նոյեմբերի 30-ին Փարիզում պաշտոնապես հայտարարվել է Ազգային ժողովի ձևավորման գործընթացը։
Ըստ նրա՝ այդ որոշման հիմնական նպատակներից էր պետական կառավարման համակարգերի ձևավորումը և համահայկական ներուժի համախմբումը։ Արմենակ Աբրահամեանը ընդգծեց, որ Ազգային ժողովը դիտարկվում է որպես հարթակ՝ հայ ժողովրդի ուժերի համախմբման և ազգային հարցերի շուրջ միասնական դիրքորոշման ձևավորման համար։
Արմենակ Աբրահամեանը նաև անդրադարձավ այն գաղափարին, որ ազգային միասնությունը և պատմական իրավունքների գիտակցումը առանցքային նշանակություն ունեն հայ ժողովրդի ապագայի տեսլականում։
Նրա խոսքով՝ այս գործընթացը հիմնված է մի շարք նախորդ հռչակագրերի և որոշումների վրա, որոնք ընդունվել են տարբեր տարիներին և ձևավորել են քաղաքական ու իրավական հիմք՝ Ազգային ժողովի ստեղծման համար։
Ելույթի ավարտին նա ընդգծեց, որ այս նախաձեռնությունը դիտարկվում է որպես շարունակական գործընթաց՝ ուղղված ազգային կառույցների զարգացմանը և պատմական հիշողության պահպանմանը։
Ստորև ներկայացնում ենք Արեւմտեան Հայաստանի Ազգային Ժողովի (Խորհրդարանի) ստեղծման մասին հռչակագիրը
Ֆրանսիա,Փարիզ, 30.11.2012 30.11.2012 30.11.2012 թ.
Հոդված 1
Արեւմտեան Հայաստանի Ազգային խորհուրդը, Արեւմտեան Հայաստանի Վտարանդի
Կառավարութիւնը միասին իրենց վրա են վերցնում Արեւմտեան Հայաստանի պետական
համակարգերի ստեղծման պատասխանատվությունը, որի համար կազմավորում են հատուկ
հանձնախումբ, որն իրականացնելու է Արեւմտեան Հայաստանի Ազգային Ժողովի
ձեվավորումը:
Հոդված 2
Արեւմտեան Հայաստանի Ազգային Ժողովը (Խորհրդարանը) նաեւ իրականացնելու է հայ
ժողովրդի ուժերի համախմբումը:
Հայկական Հարցի՝ այսինքն հայոց պահանջատիրության լուծման գործում հիմքային է
համարում ազգային միասնությունը եւ հայոց անժամանցելի իրավունքը:
Միեւնույն ժամանակ ընդունում միայն մեկ բանաձեւ` հայ ժողովրդը պետք է ապրի ինքնաբավ
եվ ապագայում մեկ միասնական եւ անկախ Հայոց պետության կազմում:
Հոդված 3
Հենվելով Արեւմտեան Հայաստանի Հայերի Ազգային Խորհուրդի պաշտոնական
հայտարարության վրա, ընդունված` 2004 թվականի դեկտեմբերի 17-ին, Արեւմտյան
Հայաստանի հայերի իրավունքների մասին Հռչակագրի, ընդունված` 2007 թվականի հունվարի
20-ին:
Արեւմտեան Հայաստանի Վտարանդի Կառավարության ստեղծման որոշման, ընդունված`
2011 թվականի փետրվարի 4-ին, եւ պետական համակարգի մասին որոշման, ընդունված` 2011
թվականի մարտի 2-ին:
Արեւմտեան Հայաստանի Ազգային Խորհուրդի 4-րդ Վեհաժողովի որոշման համաձայն`
Փարիզ, 2011 թվականի նոյեմբեր 26-ի, աշխատանքներ սկսել Արեւմտյան Հայաստանի
Ազգային Ժողով (Խորհրդարան) ձեւավորելու համար:
Հոդված 4
Առաջնորդվելով վերո նշված փաստաթղթերով Արեւմտեան Հայաստանի Ազգային Խորհուրդը
եւ Արեւմտեան Հայաստանի Վտարանդի Կառավարությունը հայտարարում են Արեւմտեան Հայաստանի Ազգային Ժողովի (Խորհրդարանի) ստեղծման որոշում կայացնելու մասին: Սույն
որոշումը հիմք կհանդիսանա Արեւմտեան Հայաստանի Ազգային Ժողովի (Խորհրդարանի)
Հռչակագրի համար:
Հոդված 5
Սույն որոշումը ուժի մեջ է մտնում ստորագրման պահից սկսված:
Արեւմտեան Հայաստանի Ազգային Խորհուրդի Նախագահ`
Արմենակ Աբրահամեան
Արեւմտեան Հայաստանի Վտարանդի Կառավարութեան Վարչապետ`
Տիգրան Փաշաբեզեան
Արևմտեան Հայաստանի Ազգային Խորհուրդի Ներկայացուցչություն, Ֆրանսիա