Բաքվում Պաղեստինի արտգործնախարարին ներկայացրել են առանց հայկական ազգանվան

  • by WesternArmenia, 17 Հոկտեմբերի, 2026 in Լուրեր
184 դիտում

Բաքվում անցկացված միջազգային գագաթնաժողովի ընթացքում ադրբեջանցի պաշտոնյաները Պաղեստինի՝ հայկական ծագում ունեցող արտգործնախարար Վարսեն Աղաբեկյան Շահինին ներկայացրել են որպես «Վարսեն Շահին»՝ չհիշատակելով նրա հայկական՝ Աղաբեկյան ազգանունը, հայտնում է «Առավոտ»-ը։

Հատկանշական է, որ ադրբեջանական APA լրատվական գործակալությունը հոկտեմբերի 13-ին հրապարակված հոդվածում նշել էր նախարարի հայկական ծագումը և ներկայացրել նրա ամբողջական անունը՝ Վարսեն Աղաբեկյան Շահին։ Այս հանգամանքը ուշադրություն է հրավիրում նույն երկրի լրատվամիջոցի հրապարակման և պաշտոնական միջոցառման ընթացքում նախարարին ներկայացնելու ձևի տարբերության վրա։