Իսրայելի զինված ուժերը հայտարարել են, որ հարվածներ են հասցրել Լիբանանի հարավում՝ մեղադրելով «Հեզբոլլահին» հրադադարի խախտման մեջ։
Լիբանանի պաշտոնական աղբյուրների համաձայն՝ Թեբնին քաղաքում անօդաչու թռչող սարքի հարվածի հետևանքով զոհվել է մեկ մարդ, ևս 11-ը վիրավորվել են։ Միաժամանակ իսրայելական լրատվամիջոցները հայտնում են, որ հարավային Լիբանանում ականապատ շենքում տեղի ունեցած պայթյունի հետևանքով զոհվել է երկու իսրայելցի զինծառայող, ևս յոթը վիրավորվել են։
Դեպքը տեղի է ունեցել Իսրայելի և Լիբանանի միջև հրադադարի պայմանավորվածության ֆոնին, որի խախտման համար կողմերը փոխադարձ մեղադրանքներ են հնչեցնում։