Իրանը հայտարարել է, որ անմիջապես կպատասխանի իր էներգետիկ և տնտեսական ենթակառուցվածքների դեմ իրականացվող ցանկացած հարձակման։ Այս մասին հայտարարել է Իրանի «Խաթամ ալ-Անբիա» կենտրոնական շտաբի ներկայացուցիչը։
Հայտարարությունը հնչել է այն բանից հետո, երբ ուրբաթ օրը ԱՄՆ-ի կողմից հարվածներ են հասցվել Խարգ կղզու ռազմական օբյեկտներին։ Իրանական կողմը զգուշացրել է, որ նման գործողությունների դեպքում թիրախ կդառնան տարածաշրջանում գտնվող այն ենթակառուցվածքները, որոնք կապված են Միացյալ Նահանգների հետ։
Իրանը ընդգծում է, որ իր նավթային, տնտեսական և էներգետիկ ակտիվների դեմ ցանկացած գործողություն անմիջապես կհանգեցնի պատասխան քայլերի։ Տարածաշրջանում իրավիճակը շարունակում է մնալ լարված։