Իսրայելի ռազմական գործողությունների ընդլայնման հետևանքով Լիբանանում հազարավոր մարդիկ հարկադրաբար լքել են իրենց տները և ապաստան են գտել ժամանակավոր կացարաններում։ Տեղահանված ընտանիքները այնտեղ փնտրում են սնունդ, հագուստ և պարզապես մարդկային աջակցություն՝ հաղթահարելու ծանր օրերը։
Օգնության ձեռք է մեկնում նաև բազմաթիվ կամավորներ։ Նրանցից մեկը Ֆուադ Ջորջն է, ով միացել է մարդասիրական նախաձեռնություններին՝ աջակցելու իր հայրենակիցներին։ Նա և մյուս կամավորները կացարաններում կազմակերպում են սննդի և հագուստի բաշխում՝ փորձելով փոքր-ինչ թեթևացնել տեղահանվածների դժվար վիճակը։
Մարդասիրական կառույցները նշում են, որ օգնության կարիքը շարունակում է աճել, քանի որ ռազմական լարվածության հետևանքով Լիբանանում տեղահանվածների թիվը օրեցօր մեծանում է։