Սեպտեմբերի 19-ը՝ Արցախի հայաթափման տարելիցը, Արեւելյան Հայաստանում կրկին դարձել է հանրային քննարկման թեմա։ Այդ օրը մի շարք համայնքներում նախատեսված են մշակութային միջոցառումներ, այդ թվում՝ Խաչիկ գյուղում անցկացվելիք Գաթայի փառատոնը։
Միջոցառման օրը սոցիալական ցանցերում քննադատության է արժանացել։ Շատ քաղաքացիներ նշել են, որ Արցախի հայաթափման և զոհերի հիշատակի օրը երգ ու պարով փառատոն անցկացնելը անհարիր է։
Փառատոնի պատասխանատու Հայկ Գևորգյանը նշել է, որ Գաթայի փառատոնը 2014 թվականից անցկացվում է սեպտեմբերի նախավերջին շաբաթ օրը, և դրա նպատակն առաջին հերթին տեղական ավանդույթների ու մշակույթի պահպանումն է, ինչպես նաև սահմանամերձ Խաչիկ գյուղի բնակիչների արտադրանքի ներկայացումը։
Միաժամանակ, հրապարակման հեղինակները նկատում են, որ սեպտեմբերի 19-ին հաջորդող շաբաթ օրը սեպտեմբերի 26-ն է, ուստի միջոցառումը հնարավոր էր կազմակերպել նաև այդ օրը՝ խուսափելով Արցախի հայաթափման տարելիցի հետ համընկնումից։