Ֆրանսիան դատապարտել է Երուսաղեմում հայերի դեմ հարձակումները

  • by Western Armenia, 30 Դեկտեմբերի, 2023 in Քաղաքականություն
42 դիտում

Ֆրանսիան վճռականորեն դատապարտել է բռնության ակտերն ընդդեմ Սուրբ քաղաք Երուսաղեմի հայկական համայնքի. վերջին ամիսներին տեղի են ունեցել ռազմատենչ ծայրահեղականների բազմաթիվ հարձակումներ, նշվել է Երուսաղեմում Ֆրանսիայի գլխավոր հյուպատոսության հայտարարությունում։

«Իսրայելի իշխանությունների վրա է ընկնում բռնության այդ ակտերի կանխման, ինչպես նաեւ ստատուս-քվոյի դեմ ցանկացած ոտնձգության պատասխանատվությունը։ Ֆրանսիան հաստատում է իր համերաշխությունը Երուսաղեմի Հին քաղաքի հայկական համայնքի հետ եւ շարունակում է մեծ ուշադրությամբ հետեւել իրավիճակին», ասվում է գլխավոր հյուպատոսության հաղորդագրության մեջ։