Ադրբեջանն ազատ է արձակում 32 հայ զինծառայողի

  • by Western Armenia, 08 Դեկտեմբերի, 2023 in Քաղաքականություն
61 դիտում

Երևանն ազատ է արձակում 2 ադրբեջանցի, Բաքուն՝ 32 հայ զինծառայողների, ասված է ԱրևելյանՀայաստանի վարչապետի աշխատակազմի և Բաքվիի ղեկավարի վարչակազմի համատեղ հայտարարության մեջ։ Ազատ արձակված զինծառայողների անունները, սակայն, դեռ չեն հրապարակվել, ինչպես նաև, թե երբ է իրականացվելու նրանց վերադարձը։

Ադրբեջանական ԱՊԱ գործակալության հաղորդմամբ՝ Արևելյան Հայաստանին վերադարձվող անձինք 2020թ. դեկտեմբերին Հադրութի ուղղությամբ «իրականացված հակաահաբեկչական միջոցառումների ժամանակ ձերբակալվածներն են», մնացած 6-ը ձերբակալվել են սահմանին տարբեր ժամանակահատվածներում, և արդեն իսկ իրենց պատժի մեծ մասը կրել են։ Նրանց թվում չկան Արցախի կալանավորված նախկին պաշտոնյաները։2020-ի նոյեմբերի 9-ի հայտարարությունից մոտ մեկ ամիս անց հաղորդվեց, որ ադրբեջանական ուժերը վերահսկողության տակ են առել Հադրութի շրջանում հայկական մնացած վերջին երկու՝ Հին Թաղեր ու Խծաբերդ գյուղերը՝ գերեվարելով 64 պահեստազորայինների։ Նրանց մի մասին Բաքուն վերադարձրեց, իսկ 26-ը դեռ պահվում են ադրբեջանական բանտերում՝ տարատեսակ մեղադրանքներով դատապարտվելով մինչև վեց տարվա ազատազրկման։

Իրավապաշտպանների տվյալներով՝ այս պահին Ադրբեջանում 55 հայ է պահվում, 41 ռազմագերի, Արցախի նախկին ղեկավարության 8 ներկայացուցիչ և 6 քաղաքացիական անձ։

Հայտարարությունը տարածած երկու գերատեսչությունները նշում են, որ Հայաստանն ու Ադրբեջանը համակարծիք են, որ տարածաշրջանում վաղուց սպասված խաղաղության հասնելու պատմական հնարավորություն կա: Երկու պետությունները վերահաստատում են ինքնիշխանության և տարածքային ամբողջականության սկզբունքների հարգման հիման վրա հարաբերությունները կարգավորելու և խաղաղության պայմանագրի կնքմանը հասնելու իրենց մտադրությունը:

«Արևելյան Հայաստանի Հանրապետության վարչապետի աշխատակազմի և Ադրբեջանի Հանրապետության նախագահի վարչակազմի միջև բանակցությունների արդյունքում պայմանավորվածություն է ձեռք բերվել երկու պետությունների միջև վստահության կառուցման ուղղությամբ շոշափելի քայլեր ձեռնարկելու մասին։

Առաջնորդվելով մարդասիրության արժեքներով, և որպես բարի կամքի դրսևորում, Ադրբեջանի Հանրապետությունն ազատ է արձակում 32 հայ զինծառայողների: Հայաստանի Հանրապետությունն իր հերթին, առաջնորդվելով մարդասիրության արժեքներով, և որպես բարի կամքի դրսևորում, ազատ է արձակում 2 ադրբեջանցի զինծառայողների», – ասված է հայտարարության մեջ:

Այստեղ մոռանում ենք ասել, որ 1994 թվականից ի վեր Բաքվում գործող ահաբեկիչները բոլորովին կամայական կերպով սպանել են մոտ 10000 հայ երիտասարդների։ Այսինքն՝ Արևելյան Հայաստանում հայերի գրեթե ամբողջական սերունդ։