Թյուրքագետ Վարուժան Գեղամյանը գրառում է կատարել՝ նշելով, որ ընդունման օրվանից Հայաստանի սահմանադրությունը և դրա հիմքում ընկած Անկախության հռչակագիրը եղել է Թուրքիայի թիրախներից մեկը։
Նրա խոսքով՝ թե՛ 1990-ականներին, թե՛ 2000-ականներին տարբեր առիթներով ու գերազանցապես ոչ պաշտոնական մակարդակում թուրքական կողմն անդրադառնում էր Արեւելյան Հայաստանի Սահմանադրությանը։
«2020 թվականից հետո արդեն պաշտոնապես Թուրքիան Բաքվի բերանով պահանջում է փոխել Սահմանադրությունը, քանի որ տեսավ հնարավորություն»,- գրել է նա։
Շեշտում է, որ նման պահանջն այսօր հերթական պայման-պարտադրանքն է ուրիշ բազմաթիվ պարտադրանքների շարքում, որոնք կոչված են ոչ թե «խաղաղություն հաստատելուն», այլ հայկական պետությունը թուլացնելուն։
Սահմանադրությունը պարունակում է դրույթներ, որոնք մեր պետությունը վերածում են աշխարհաքաղաքական միավորի՝ քաղաքական հստակ ազգային սկզբունքներով, այլ ոչ թե Թուրքիայից կախյալ գավառի։ Ուստի պետք է հարվածել նաև դրան, ինչպես հարվածում են Սփյուռքին, բանակին, կրթական համակարգին, հերոսներին, հայերի դեմ իրականացված ցեղասպանությանը և այլ գործոնների։
«Մեր թշնամիները պատահական ոչինչ չեն թիրախավորում. նրանք հարվածում են մեր պետության ամենակարևոր հիմքերին»,- ամփոփելով միտքն գրել է Վարուժան Գեղամյանը։