2026 թվականի հուլիսի 19-27-ը «Դեպի արմատներ» ծրագրի շրջանակում տարբեր երկրներից և Հայաստանի Հանրապետությունից երիտասարդներ այցելեցին Արևմտյան Հայաստանի պատմական տարածքներ։
Իննօրյա ուղևորության ընթացքում մասնակիցները եղան Անիում, Վանում, Աղթամարում, Արտահանում, Սասունում, Մուշում, Տիգրանակերտում, Կարսում և Կարինում՝ ծանոթանալով տարածաշրջանի պատմությանը և հայկական մշակութային ժառանգությանը։
Այցելությունները ներառում էին հայկական եկեղեցիների, վանքերի, բերդերի, պատմական բնակավայրերի և այլ հուշարձանների ուսումնասիրություն։ Ծրագիրը մասնակիցների համար դարձավ ոչ միայն պատմական գիտելիքների ձեռքբերման, այլև սեփական արմատների, պատմական հիշողության և ազգային ժառանգության հետ անմիջական կապի փորձառություն։
«Դեպի արմատներ»-ը նաև հնարավորություն տվեց տարբեր երկրներից եկած երիտասարդներին ճանաչել միմյանց, ստեղծել նոր կապեր և միասին բացահայտել Արևմտյան Հայաստանի պատմական ու մշակութային ժառանգությունը։
Ծրագրի գաղափարը հիմնված է այն համոզման վրա, որ պատմական հիշողությունը պահպանվում է, երբ արմատները ճանաչվում և փոխանցվում են նոր սերունդներին։