Երկրաշարժը Էրդողանի համար կարևոր քննություն է լինելու

  • by Western Armenia, 15 Փետրվարի, 2023 in Հասարակություն
100 դիտում

Ամերիկյան հեղինակավոր «Washington Post» պարբերականն օրերս հրապարակել է «Թուրքիան հապճեպ գերեզմանոցներ է պատրաստում» վերնագրով մի հոդված, որտեղ նշվում է, թե քաղաքի ծայրամասերում երկրաշարժի հետևանքով մահացածներին զանգվածաբար հուղարկավորելու պատճառով Մարաշի գերեզմանատները գնալով մեծանում են։ 

Պարբերականը գրում է, որ մարդիկ առանց մասնագետների ու սարքերի օգնության ավերակների տակից դուրս են բերում իրենց հարազատներին, որոշ շրջաններում օգնությունն օրերով չի հասնում։ Իսկ ընդդիմադիրներն ու երկրաշարժից ողջ մնացածները դժգոհում են, որ իշխանությունները շատ դանդաղ են աշխատում աղետի գոտում։

Հոդվածում նշվում է, որ տուժած ընտանիքներին հատկացվել է 10․000-ական լիրա օգնություն, որը կազմում է մոտ 530 դոլար։

Ըստ «Washington Post»-ի՝ 20 տարի իշխանության մնալուց հետո սա  Ռեջեփ Թայիփ Էրդողանի համար կարևոր քննություն է լինելու մոտեցող ընտրությունների և երկրաշարժի պատճառած ավերածությունները վերականգնելու համատեքստում։

Արևմտյան Հայաստանը դատապարտում է Էրդողանի ռեժիմի գործողությունները, այդ թվում՝ Արևմտյան Հայաստանի տարածքի բռնազավթված պահելը։Մենք եկել ենք այն համոզմանը, որ Էրդողանը չի ներգրավվում պետական ողջ ռեսուրսները՝ երկրաշարժի հետևանքները մեղմելուն ուղղուված գործողություններ իրականացնելու համար, ինչը հանգեցրել է նման ծայրահեղ վիճակի և հարուցել է բնակչության դժգոհությունը։