Լույս է տեսել «Western Armenia» շաբաթաթերթի 126-րդ համարը, որի շապիկին պատկերված է Վանա լճի հայտնի և խորհրդանշական Վանա տառեխ ձուկը՝ որպես հայկական բնաշխարհի ու մշակութային հիշողության կարևոր խորհրդանիշ։
Շաբաթաթերթի այս համարը ընթերցողներին ներկայացնում է բազմաբովանդակ և հետաքրքիր հրապարակումներ՝ նվիրված ազգային, մշակութային և հասարակական թեմաների։ Հատուկ ուշադրության են արժանացել Արևմտյան Հայաստանի Հանրապետության Ազգային ժողովի նիստերին վերաբերող լրացուցիչ ամփոփումները, որտեղ ներկայացվում են քննարկված կարևոր հարցերն ու ազգային օրակարգին վերաբերող զարգացումները։
Հրատարակության այս համարում ընթերցողները կարող են ծանոթանալ նաև Արևմտյան Հայաստանի Հանրապետության Ազգային խորհրդի փոխնախագահ տիկին Լիտիա Մարկոսեանի ուղերձին՝ նվիրված Արևմտյան Հայաստանում Նոր տարվա խորհրդին, ազգային միասնությանն ու ապագայի տեսլականին։
Շաբաթաթերթում տեղ է գտել նաև հետաքրքիր և ջերմ թեմա՝ նվիրված Վանա կատու ցեղատեսակին։ Ներկայացվում է պատմություն այն մասին, թե ինչպես է գեղեցիկ Վանա կատուն հաղթանակ տարել կատուների միջազգային մրցույթում՝ կրկին ուշադրություն հրավիրելով հայկական բնաշխարհի եզակի կենդանական ժառանգության վրա։
Բացի այդ, ընթերցողները հնարավորություն կունենան ծանոթանալու նաև կորեացի ճանապարհորդի վկայություններին բռնազավթված Արցախից, ինչպես նաև բազմաթիվ այլ հետաքրքիր վերլուծական, պատմական և մշակութային նյութերի։
https://westernarmeniatv.com/wp-content/uploads/2026/05/WA-Magazine-126_c.pdf