97 տարեկանում կյանքից հեռացել է Անկարայի հայ կաթոլիկ համայնքի ամենատարեց անդամներից մեկը՝ Էմիլի Կարաողլուն։ Նա երկար տարիներ հայտնի էր իր հավատքին, եկեղեցուն և համայնքին նվիրված ծառայությամբ։
Հուղարկավորության արարողությունը տեղի է ունեցել հուլիսի 27-ին Անկարայի Սուրբ Թերեզա կաթոլիկ եկեղեցում, որից հետո Էմիլի Կարաողլուն հողին է հանձնվել Ջեբեջիի գերեզմանատանը։
Անկարայի Սուրբ Թերեզա եկեղեցու համայնքը ցավակցական ուղերձում նշել է, որ Էմիլի Կարաողլուի հիշատակը կմնա սիրով, հարգանքով և երախտագիտությամբ՝ որպես համայնքին նվիրված և հավատավոր անձնավորության։