Տոկիոյում կազմակերպվել էր ճապոնացի ֆոտոլրագրող Մակիո Մացումուրայի՝ Բերձորի միջանցքում կատարած լուսանկարների շնորհանդեսը

  • by Western Armenia, 30 Հունվարի, 2024 in Հասարակություն
45 դիտում

Ս.թ. հունվարի 28-ին Ճապոնիա-Հայաստան բարեկամության ասոցիացիան Տոկիոյում կազմակերպել էր ճապոնացի ֆոտոլրագրող Մակիո Մացումուրայի՝ Բերձորի միջանցքում կատարած լուսանկարների շնորհանդեսը: Մ. Մացումուրան 2023թ. հոկտեմբերին այցելել էր Հայաստան և անձամբ լուսանկարել Բերձորի միջանցքով արցախցի փախստականների հոսքը դեպի Հայաստան: Այս մասին հայտնում են Ճապոնիայում՝ Արևելյան Հայաստանի դեսպանությունից:

Ողջույնի խոսքով դիմելով ներկաներին՝ դեսպան Հովհաննիսյանը, շնորհակալություն է հայտնել JAFA-ին՝  ի դեմս Հիդեհարու Նակաջիմայի,  ցուցահանդեսի կազմակերպման և դժվարին պահերին Հայաստանի կողքին լինելու համար:

«Այն, ինչ իր լուսանկարներում արձանագրել է պարոն Մացումուրան և ցուցադրել այստեղ՝ ներկաներիս, դա միջազգային կարգի և մեխանիզմների անկարողությունն էր՝ պարտադրել որոշ երկրների գործել միջազգային իրավունքին համաձայն»,- նշել է դեսպանը և ավելացրել, որ Ադրբեջանի ստանձնած միջազգային պարտավորությունների համաձայն մինչ օրս Բերձորի միջանցքը պետք է գործեր՝ անխափան և ապահով կապ հանդիսանալով Հայաստանի և Արցախի միջև:

Դեսպան Հովհաննիսյանը հայտնել է, որ Հայաստանը Ճապոնիայի նման ժողովրդավար երկրներից ակնկալում է հասցեական դատապարտում ադրբեջանական անօրինական գործողություններին՝ դրանով իսկ նպաստելով Հարավային Կովկասում խաղաղության հաստատմանը: