Արեւմտեան Հայաստանի պատուիրակութիւնը մասնակցած է ՄԱԿ-ին նուիրուած մէկօրեայ փոխգործակցական դասընթացի մը, որ վարած է Արեւմտեան Հայաստանի Հանրապետութեան նախագահ Արմենակ Աբրահամեան։
Դասընթացի ընթացքին նախագահ Աբրահամեան ներկայացուցած է Արեւմտեան Հայաստանի պետականութեան գաղափարն ու նշանակութիւնը՝ անդրադառնալով հայ ժողովուրդի բնիկութեան իրաւունքներու պաշտպանութեան միջազգային մեխանիզմներուն։ Ան երիտասարդներուն ներկայացուցած է ազգային առաքելութեան կարեւորութիւնը, ինչպէս նաեւ խօսած է ՄԱԿ-ի ստեղծման պատմութեան, նպատակներուն, կառուցուածքին, միջազգային յարաբերութիւններուն եւ դիւանագիտութեան հիմնական սկզբունքներուն մասին։
Դասընթացը առանձնացած է իր ստեղծարար ձեւաչափով։ Ան կազմակերպուած էր խորհրդանշական «ճամբորդութեան» գաղափարին շուրջ՝ ներառելով Check-in, Boarding Pass եւ Coffee on Board ձեւաչափերը, որոնք ապահոված են մասնակիցներուն աշխուժ մասնակցութիւնն ու ուսուցման հետաքրքրական միջավայրը։