Արեւմտեան Հայաստանի Հանրապետութեան Ազգային ժողովի նախագահ Նելլի Յարութիւնեանն իր ելոյթին մէջ անդրադարձած է Սեւրի դաշնագրին պատմական եւ իրաւական նշանակութեան։
Ան նշած է, որ 1920 թուականի Օգոստոս 10-ին ստորագրուած Սեւրի դաշնագիրը միջազգային կարեւոր համաձայնագիր մըն էր, որ կը նախատեսէր Օսմանեան կայսրութեան տարածքային, քաղաքական եւ ռազմական սահմանափակումներ։
Յատուկ ընդգծուած է Հայաստանի եւ Թուրքիոյ միջեւ սահմանին հարցը։ Դաշնագիրը կը նախատեսէր սահմանային հարցը միջազգային իրաւական մեխանիզմներու միջոցաւ կարգաւորելու կարելիութիւնը՝ ընդգրկելով Էրզրումի, Տրապիզոնի, Վանի եւ Պիթլիսի շրջանները։
Նելլի Յարութիւնեան շեշտած է, որ Սեւրի դաշնագիրը կարեւոր նշանակութիւն ունի միջազգային իրաւունքի եւ տարածաշրջանին պատմական հարցերու ուսումնասիրութեան համար՝ շնորհակալութիւն յայտնելով այն պետութիւններուն, որոնք կը շարունակեն հաւատարիմ մնալ իրենց ստորագրութեան։