Ուրուգուայի ներկայացուցիչներու պալատը միաձայն կողմ է քուեարկած 24 Ապրիլ Հայերու դէմ իրականացուած ցեղասպանութեան յիշատակի օր հռչակող օրինագծին

  • by Western Armenia, May 16, 2024 in Քաղաքականութիւն
51 դիտում

Ուրուգուայի ներկայացուցիչներու պալատը 14 Մայիս միաձայն (ձայներու՝ 74 կողմ՝ 74 ներկայ պատգամաւորներէն) հավանութիւն է տուած իւրաքանչիւր տարի 24 Ապրիլ «Հայերու դէմ ինրականացուած ցեղասպանութեան յիշատակի օր» հռչակող օրենքի նախագծին, որը պետական բոլոր հեռուստա-ռադիոալիքներուն կը պարտաւիրեցնէ՝ իւրաքանչիւր տարի 24 Ապրիլ միաժամանակ անդրադառնալ Հայերու դէմ իրականացուած ցեղասպանութեան թեմային: 

Կը նշուի, որ այս նախաձեռնութիւնը Սենատի կողմէն հաւանութեան էր արժանացած 07 Մայիս, ուստի, եթէ Գործադիրի կողմէն որեւէ դիտարկում չ՚ըլլայ, այն որպէս օրէնք կհրապարակուի առաջիկայ օրերուն։

Հաւանութեան արժանացած օրինագիծն իր միակ յօդուածով կը սահմանէ, որ իւրաքանչիւր տարուա 24 Ապրիլ կը յայտարարուի «Հայերու դէմ իրականացուած  ցեղասպանութեան յիշատակի օր»՝ ձայնասփիւռի եւ բաց հեռուստատեսութեան տեսալսողական բովանդակութեան հեռարձակման, բաժանորդներու համար՝ հեռուստատեսութեան սեփական ազդանշաններով եւ հեռուստատեսային ծառայութիւններով։

Նախագիծը ներկայացուցած են խորհրդարանականներ Նազմի Կամարգոն, Մարիա Եվգենիա Ռոսելոն, Խուան Մարտին Ռոդրիգեսը  եւ  Միկաելա Մելգար։:

Պատգամաւորներ Պեդրո Ջիսդոնեան, Կառլոս Վարելա, Ռաֆայել Մենենդես, Իվան Պոսադա, Մարիա Եվգենիա Ռոսելո, Ֆելիպէ Ալգորտա, Ուգո Կամարա, Ուբալդո Այտա եւ Խուան Մարտին Ռոդրիգես մասնակցած են խորհրդարանական բանավեճին՝ հօգուտ նախագծի։

Իրենց ելոյթներու ընթացքը անկէ քանիս մըն  են դատապարտած այն ձեւը, որով Թիւրքիոյ ժխտողականութիւնը եւ անոր անպատժելիութիւնը խթանած են Բաքուի յանցագործութիւնները Հայաստանի եւ Արցախի բնակիչներու նկատմամբ վերջին տարիներուն՝ ներառեալ հայկական մշակութային ժառանգութեան ոչնչացումը:

Ըստ աղբյուրի՝ երկու պալատներու կողմէն հաստատուած նախագիծը սկսուած է Աւետարանական եկեղեցիին դոկտոր Գուստավո Վանեսկահեանի նախաձեռնութեամբ, որը հրապարակային դառնալէն ետք ստացած է հայ համայնքի տարբեր հաստատութիւններու  աջակցութիւնը: