«Անկարան Երեւանի  դէմ որպէս լծակ գործի կ՚ըդնէ Բաքուի ներխուժման սպառնալիքները»․Այքան Սեւերն

  • by Western Armenia, May 24, 2024 in Քաղաքականութիւն
51 դիտում

Bianet.org կայքի լրագրող՝ Այքան Սեւերն հարցազրոյց է տուած Արեւելեան Հայաստանի լրատուական հարթակներէն մէկին, որտեղ անդրադարձ է կատարած հայ-թիւրքական ձարաբերութիւններուն Այքան Սեւերն նշած է, որ Անկարա-Երեւան յարաբերութիւններու կարգաւորումն իրատեսական չի համարէր, քանի որ Թուրքիոյ մէջ թէ՛ իշխող դասակարգային դաշինքը, եւ թէ՛ պետական ​​բիւրոկրատիան վերջին 15 տարիներու ընթացքը նեոօսմանեան կայսերապաշտական ծաւալապաշտությունը որպէս ռազմավարութիւն կը դիտարկէ։ Լրագրողը ընդգծած է, որ այս համատեքստին մէջ, Անկարային համար հարեւան ժողովուրդներն ու երկրներն առաւելագոյնը հպատակի կարգավիճակի արժէք ունեն։ Անկարային համար Երեւանի  կարեւորութիւնն այն է, որ այն կը դիտուի որպէս Կեդրոնական Ասիոյ նկատմամբ կայսերապաշտական ​​քաղաքականութեան իրականացման ռազմավարական անցումային կետ։ «Զանգեզուրին միջանցք» անունով օրակարգ բերուած յարկադրանքը հէնց ատոր պատկերն է։

Ըստ  Այքան Սեւերնի՝ Հայաստան-Թիւրքիա յարաբերութիւններու ապագան աւելի շատ կախուած է Երրորդ համաշխարհային պատերազմին ընթացքէն եւ տարածաշրջանի վրայ ատոր անդրադարձներէն, քան այս երկու երկրներու փոխադարձ քայլերէն։

Լրագրողին այն հարցին, թէ Անկարան Երեւանի հետ յարաբերութիւնները դիտաւորեա՞լ չի ցանկնար կարգաւորիլ, թէ՞ այլ պատճառներ կան։ 

Այքան Սեւերն պատասխանած է․

«Անկարան որպէս լծակ կ՚օգտագործէ Բաքուի ներխուժման սպառնալիքները Երեւանի դէմ եւ կշարունակէ ատ ընիլ։ Ցաւոք, երկրին ներսը բաւականաչափ ժողովրդավարական ընդդիմութիւն չկայ, որ կարողանայ այդ գիծը փոխիլ։

Մէկ այլ բան, որ պետք է նշեմ, այն է, որ յատկապէս քաղաքական գործիչներուն չի կարելի վստահիլ Թիւրքիոյ մէջ։ Օգտակար է յիշել Թիւրքիոյ յայտնի քաղաքական գործիչներէն Դեմիրելի (Թիւրքիոյ նախկին վարչապետ, նախագահ Սուլեյման Դեմիրել) ասոյթով խորհրդանշուած իրատեսական ասացուածքը․ «Երեկ երեկ է, այսօր՝ այսօր»։   Բառերու եւ գրաւոր փաստաթուղթերու կարեւորութիւնը Թիւրքիոյ քաղաքական կեանքին մէջ միշտ ալ երկրորդական է եղած»,-ըսած է Այքան Սեւերն։

Western Armenia TV-ին կը յիշեցնէ, որ  օրերս Թիւրքիոյ նախկին վարչապետ, «Ապագա» ընդդիմադիր  կուսակցութեան առաջնորդ Ահմեդ Դավութօղլուն յայտարարած էր, որ Թիւրքիան «իրեն ճիշտ է պահած» Արցախին մէջ 44-օրեա պատերազմին ատեն Բաքուին աջակցելու հարցին մէջ, բայց միեւնոյն ատեն նշած է, որ Թիւրքիան, այնուամէնայնիվ, պետք է կարգաւորէ յարաբերութիւնները Հայաստանին հետ: