Աշխարհը Արցախի հարցը փակուած չի համարէր

  • by Western Armenia, April 16, 2024 in Քաղաքականութիւն
45 դիտում

Ըստ քաղաքագէտ Մանուէլ Սարգսեանի 2020-ին Բաքուի կողմէն Արցախին դէմ սանձազերծած պատերազմէն, Արցախի Հանրապետութեան ինքնալուծարումէն եւ հայ բնակչութեան բռնի տեղահանումէն ետք առաջին պլան մղուեցաւ Արեւելեան Հայաստանի անվտանգութեան խնդիրը։

Արցախի ժողովուրդին խնդիրը հանգած է բացառապէս հումանիտար խնդիրներու։ Բայց նոյնիսկ հոն հարցականին տակ դրուեցաւ միջազգային կառոյցներո մէջ արցախցիներու իրաւունքներու պաշտպանութեան նպատակահարմարութիւնը։ Արեւելեան Հայաստանի կառավարութիւնն առաջնահերթ կը համարէ բռնի տեղահանած բնակչութեանը հայ հասարակութեանը ինտեգրելու խնդիրը։ Կարծիք կայ, որ նման քաղաքականութիւնը կրնայ Արեւելեան  Հայաստանը ապահովիլ միջազգային աջակցութիւն անվտանգութեան ապահովման գործին մէջ։ 

Փաստացի  բաց կը մնայ  Արցախի կարգավիճակին որոշման հարցը։ Աւելին, միջազգային հանրութիւնը չի համարէր արցախեան հիմնախնդիրը փակուած եւ կը պաշտպանէ արցախցիներու՝ միջազգային վերայսկողութեան տակ հայրենիք վերադառնալու իրաւունքը։

Այս քաղաքական խմորումներու ֆոնին Արեւմտեան Հայաստանի Հանրապետութիւնը հավատարիմ կը մնայ իր աշխատելաոճին։ Արեւմտեան Հայաստանի Ազգային խորհուրդի նախագահ Արմենակ Աբրահամեան եւս մէկ անգամ դիմած է Մարդու իրաւունքներու եւրոպական դատարան։ Մարդու իրաւունքներու եւրոպական դատարանը ընդունած եւ բաւարարած է նախագահ Արմենակ Աբրահամեանին դիմումը։ Յիշեցունք, որ տարուա ընթացքը, Մարդու իրաւունքներու եւրոպական դատարան ներկայացուած դիմումներու միայն 5%-ն կ՚ընդունուի, եւ այդ 5%-ի մէջ են նաեւ Արցախին մէջ զանգուածաբար տեղահանուած ընտանիքներուն պատճառուած վնասներու հետ կապուած դիմումները։ Նկատենք, որ Արմենակ Աբրահամեան 2022-ին իր նախագահութեան ընթացքը, արդեն իսկ   Շուշիէէն բռնի տեղահանուած շուրջ քառասուն մարդու դիմումերը ներկայացուցած էր ՄԻԵԴ։ Դատավարութիւնները կը շարունակուին։