Աշխարհին աւելի քան 150 գործարար, հումանիտար եւ քաղաքական գործիչ Ալիեւին կոչ են ըրեր ազատ արձակիլ ապօրինի կալանաւորուած հայերուն

  • by Western Armenia, December 12, 2023 in Քաղաքականութիւն
110 դիտում

Միջազգային լայն ճանաչում եւ յամբաւ  ունեցող աւելի քան 150 գործիչներ, ներառեալ՝ Նոբելեան մրցանակի դափնեկիրներ, պետութիւններու նախկին ղեկավարներ, յայտնի գործարարներ եւ հումանիտար գործիչներ նամակ են ստորագրեր՝ կոչ ընելով անյապաղ եւ անվերապահօրէն ազատ արձակիլ  հայ բանտարկեալներուն, այդ թիվ՝ ութ քաղբանտարկեալներուն՝  Արցախին  նախկին ղեկավարներու ու բարձրաստիճան պաշտօնեաներու, որոնք ապօրինաբար ձերբակալուեր են Սեպտեմբերուն Բաքուին կողմէն Արցախ ներխուժելէն եւ  այն գրաւելէն ետք: Անկէ զատ, տասնեակէն աւելի գերիներ կը շարունակէն մնալ կալանքին տակ։ Համատեղ  կոչ-նամակը ստորագրողները  լուրջ անհանգստութիւն կը յայտնեն կալանաւորուած անձանց, ներառեալ հայ նշանաւոր գործարար ու մարդասէր Ռուպէն Վարդանեանին պահման պայմաններու եւ անոնց յանդէպ վերաբերմունքին առնչութեամբ: Անոնց ձերբակալութիւնը յաջորդեր է ադրբեջանական ուժերուն կողմէն  իրականացուած էթնիկ զտման  արշաւին: Դեկտեմբեր 7-ին 32 հայ գերիներուն ազատման մասին յայտարարութիւնը թեեւ սպասուած առաջին քայլն էր, սակայն միւս բոլորը եւս պետք է ազատ արձակուեն: Ութ քաղաքական բանտարկեալներուն եւ մնացած գերիներու՝ Բաքուին կողմէն ազատ չարձակելու փաստը աւելի կը խորացնէ Ալիեւին ռեժիմին կողմէն անոնց շարունակական կալանքին տակ պահելու շարժառիթներուն վերաբերեալ մտահոգութիւնը: