Արցախեան նախաձեռնութիւնը կը դատապարտէ բնակապահովման ծրագիրը

  • by Western Armenia, May 21, 2024 in Քաղաքականութիւն
57 դիտում

Արցախի ժողովուրդի կարիքներու ապահովման նախաձեռնութիւնը, որը կազմուած է արցախեան տասնեակ հասարակական կազմակերպութիւններէն, կը դատապարտէ արցախցիներու բնակարանային կարիքներու ապահովման՝ Արեւելեան Հայաստանի կառավարութեան ծրագիրը։

«Չնայած մեր կողմէն քանիցս ներկայացուած առաջարկներուն, որոնց հիմնական մասն արտացոլուած է  20 Մարտ Նախաձեռնութեան հանրահավաքին ատեն ընդունուած յայտարարութեան մէջ.«ՀՀ կառավարութեան նշուած որոշումն ընդհանրապէս հաշուի չի առնէր ո՛չ Արցախի ժողովուրդի հաւաքական վերադարձի ռազմավարական նպատակը, ո՛չ համայնքային բնակեցման անհրաժեշտութիւնը, ո՛չ ալ՝ շարք մը այլ հիմնարար սկզբունքներ ու պայմաններ: Աւելին, ընդունուած մոտեցումն ի վիճակի չէ լիովին բավարարիլ բռնի տեղահանուած անձանց մեծամասնութեան նոյնիսկ անհատական ու ընտանեկան բնակարանային կարիքները: Հետեւաբար, այն մեծապէս խթանելու է Արցախի ժողովուրդի հետագայ արտագաղթը Մայր Հայաստանէն եւ չքավորութեան մակարդակի խորացումը»,- ըսուած է յայտարարութեան մէջ։

Նախաձեռնութիւնը կը նշէ, որ որոշումն ընդունուած է ներառականութեան գրեթէ զրոյական պայմաններու ատեն, թեմային շուրջ չեն կազմակերպուած հանրային լսումներ ու հանրային հարցումներ․ «Արեւելեան Հայաստանի իշխանութիւններն անտեսած են Արցախի ժողովուրդի կարիքներու ապահովման նախաձեռնութեան շարունակական ու կառուցողական առաջարկներն ու դիմումները՝ ներգրաւուելու ծրագրի նախագծի մշակման աշխատանքներու մէջ եւ ապահովելու պատշաճ հանրային քննարկումներ այդ կարեւոր ծրագրին շուրջ: Բացի բանաւոր բազմաթիվ հորդորներէն՝ Նախաձեռնութիւնն այդ հարցով նաեւ գրաւոր կերպով է դիմած ՀՀ վարչապետին ու փոխվարչապետին, սակայն բախուած է բացարձակ անտեսման ու մերժողականութեան»։

Արցախի ժողովուրդի կարիքներու ապահովման նախաձեռնութիւնը կը պահանջէ ՀՀ կառավարութենէ կասեցնիլ հաստատուած ծրագիրը եւ այն դնիլ պատշաճ հանրային քննարկման․ «Կը յորդորենք՝ Արցախէն բռնի տեղահանուած անձանց զերծ մնալ այս տեսքով ծրագիրէն օգտուելէն, քանի դեռ այն պատշաճ ձեւով հիմնարար վերանայման չի ենթարկուած»։