Արցախի ԱԺ խմբակցութիւններն յայտարարութիւն ուղղած են

  • by Western Armenia, February 24, 2022 in Քաղաքականութիւն
168 դիտում

Արցախի ԱԺ շարք մը խմբակցութիւններ յայտարարութիւն տարածած են, կը ներկայացնենք մէկ մասը․

Սոյն թուականի Փետրուարի 21-22-ը Հայաստանի Հանրապետութեան մայրաքաղաք Երեւանի մէջ տեղի ունեցած է Եւրոնեստի հերթական նիստը, որը Եւրախորհրդարանի եւ Արեւելեան գործընկերութեան վեց երկիրներու, այդ թիւին՝  Ատրպէյճանի, համագործակցութեան խոհրդարանական հարթակն է։ Խորհրդարանական վեհաժողովի աշխատանքներուն իրենց մասնակցութիւնը ունեցան նաեւ Ատրպէյճանը ներկայացնող պատգամաւորները։  Առանձնայատուկ ցինիզմով եւ ակնյայտ աճպարարութեամբ լեցուած են ատրպէյճանական պատուիրակութեան կողմէ խաղաղութեան շրջան բանալու եւ յարաբերութիւններ կարգաւորելու կոչերը։ Այդ երկրի բանտերուն մէջ մինչեւ հիմա պահուող հայ ռազմագերիներու առկայութիւնը ամենեւին չի խօսիր խաղաղասիրական մտադրութիւններու մասին։ Միայն անկեղծ մղումով եւ փոխադարձ շահերու համահաւասար գնահատմամբ հնարաւոր է երկարաժամկէտ խաղաղութիւնը։

Ըստ այդ, կը դատապարտենք Ատրպէյճանի կողմէ իրականացուած արտաքին քաղաքական երեակի ստանդարտներն ու խօսքի եւ գործի անհամատեղելիութիւնը։