Բաքուի արտգործնախարար Ջէյհուն Բայրամով հանդիպած է Միգրացիոն միջազգային կազմակերպութեան առաքելութեան ղեկավար Թրոյ Դուլիին հետ, որու ատեն քննարկուած են Բաքուի եւ Միգրացիոն միջազգային կազմակերպութեան միջեւ համագործակցութեան հեռանկարները։
Բայրամով նաեւ անդրադարձած է հայ-ատրպէյճանական յակամարտութեան արդիւնքը փախստականներու եւ ներքին տեղահանուածներու խնդրին։ Սակայն աս պարագային եւս, Բաքուն, ի դէմս երկրի արտգործնախարարի, կը ցուցաբերէ խիստ ընտրանքային մոտեցում։ Ան մոռացութեան է մատնած այն հանգամանքը, որ ընդամէնը ամիսներ առաջ Արցախին հայութեանը հէնց իրենց ռազմաքաղաքական վադալիզմը ենթարկեց բռնի տեղահանման հումանիտար աղետէն ու քաղաքացիական բնակչութեան թիրախաւորմամբ ուղեկցուած պատերազմէն ետք։ Ասոր մասին կահազանգէ «Գարդման-Շիրուան-Նախիջեւան» համահայկական միութիւնը։
Կը նշեն՝ արտգործնախարարը նաեւ կը մոռնայ, որ 2020 թ․ 09 Նոյեմբեր համաձայնագիրով Բաքուն եւս պարտաւորութիւն է վերցուցած ապահովիլ բոլոր փախստականներու եւ ներքին տեղահանուածներու վերադարձը նախկին բնակավայրեր, ինչը անուղղակիօրէն կը նշանակէ նաեւ 2020 թ․ 44-օրեա պատերազմէն ետք Բաքուի վերայսկողութեան տակ անցած տարածքներէն բռնի տեղահանուած հայութեան ապահով եւ անվտանգ վերադարձ, մինչդեռ համաձայնագիրին այդ կետն իրականացուած է միակողմանիօրէն՝ Արցախը բնակեցնելով ատրպէյճանցիներով՝ փոխելով երկրամասին բնական եւ հազարամեա էթնիկ կազմը։
Կը շեշտեն՝ Բայրամով, կարծես թէ, չի կրնար վերյիշիլ, թէ 36 տարի առաջ ինչպիսի կոտորածներու են ենթարկուած Սումգայիթին հայերը, թէ 34 տարի առաջ ինչ եղաւ Բաքուի հայութեան հետ, թէ ինչպիսի բարբարոսութեամբ 32 տարի առաջ բնաջնջուեցան Մարաղային բնակիչները։
Իսկ Ատրպէյճանին մէջ Միգրացիայի միջազգային կազմակերպութեան առաքելութեան ղեկավարը կարծես կը դժուարանայ յստակօրէն տեսնալ, որ իր զրուցակիցը մէկն է այն հանցախումբէն, որը պատասխանատւությիւն կը կրէ 2020-2023 թթ․ Հայաստանի եւ Լեռնային Ղարաբաղի հայութեան նկատմամբ իրականացուած յանցանքներու համար։
«Գարդման-Շիրուան-Նախիջեւան» համահայկական միութիւնը կը յորդորէ Միգրացիոն միջազգային կազմակերպութեանը աչալուրջ գտնուիլ իր ներկայացուցիչներու գործունեութեան նկատմամբ՝ արժանի եւ անաչառ գնահատականներ տալով այն քաղաքական գործընթացներուն, որոնք հանգեցուցած են փախստական եւ բռնի տեղահանուած երեւոյթներու առաջացմանը։