Եւրամիութեան մէջ կը կարծեն, որ հիմա ճիշտ ժամանակն է Երեւանի ու Բաքուի միջեւ խաղաղութիւն հաստատելու համար

  • by Western Armenia, April 15, 2024 in Քաղաքականութիւն
47 դիտում

Եւրոպական միութեան քաղաքականութեան եւ անվտանգութեան հանձնաժողովի նախագահ Դելֆին Պրոնկ յայտարարած է, որ եկած է  Հարաւային Կովկասի տարածաշրջանը խաղաղութեան եւ կայունութեան ապահովման ուղղութեամբ կոնկրետ քայլեր ձեռնարկելու ժամանակը: 

Ատոր մասին Պրոնկ գրառում է ըրած X-ի իր միկրոբլոգին մէջ։ Շնորհակալութիւն յայտնելով Բաքուի ղեկավարին օգնական, նախագահի աշխատակազմի արտաքին քաղաքականութեան բաժնի վարիչ Հիքմեթ Հաջիեւին` «արդիական մարտահրաւերներու շուրջ էքսկուրսիային համար»՝ Պրոնկը յայտարարած է, որ «ժամանակն է կոնկրետ քայլեր ձեռնարկիլ տարածաշրջանը խաղաղութեան եւ կայունութեան ապահովման ուղղութեամբ»: «ԵՄ-ն պատրաստ է խորացնիլ համագործակցութիւնը եւ շարունակիլ աջակցել խաղաղութեան ջանքերուն»,- գրած է ան։ 

Պրոնկ նաեւ նշած է, որ ԵՄ-ն ականազերծման գործին մէջ Բաքուի ամէնամեծ աջակիցն է: «Պատրաստելով ականազերծման կանանց թիմ՝ ԵՄ-ն կ՚օգնէ բարձրացնիլ կիներու դերը անվտանգութեան ապահովման գործին մէջ: Ժամանակն է’ կոնկրետ քայլեր ձեռնարկիլ տարածաշրջանը խաղաղութեան եւ կայունութեան համար։ ԵՄ-ն պատրաստ է խորացնիլ համագործակցութիւնը եւ շարունակիլ աջակցել խաղաղութեան ջանքերուն»,- գրած է ան։