Եւրոպական միութիւնը մտադիր է մէկ ամիսէն դիտորդական նոր առաքելութիւն ուղարկել Հայաստան առնուազն երկու տարիով

  • by Western Armenia, January 18, 2023 in Քաղաքականութիւն
114 դիտում

Եւրոպական միութիւնը մտադիր է մէկ ամիսէն դիտորդական նոր առաքելութիւն ուղարկել Հայաստան, այս անգամ ոչ թէ երկու ամիսով, այլ`առնուազն երկու տարիով:

Ինչպէս կը հաղորդեն «Ազատութեան» աղբիւրները, անցեալ շաբաթ այս նախագիծն ընդունուած է Եւրոպական խորհուրդի Քաղաքական ու անվտանգութեան յանձնաժողով, երէկ ալ հաստատուած է դիտորդական առաքելութիւններով զբաղող հիմնական կառոյցին մէջ Ճգնաժամերու կառավարման քաղաքացիական հարցերու յանձնախումբին կողմէ:

Ի տարբերութիւն անցեալ Հոկտեմբերին ուղարկուած քառասուն հոգիէ կազմուած խումբին, որ տեղակայուած էր հայ-ատրպէյճանական սահմանին, այս անգամ եւրոպացի դիտորդները պարեկութիւն պիտի կատարեն Հայաստանի Հանրապետութեան ողջ տարածքին: Նախորդ առաքելութեան նման, այս անգամ ալ անոնք անզէն  պիտի ըլլան: