Եփրատի մէջ ջուրի մակարդակի աննախադէպ բարձրացում արձանագրուած է՝ Թուրքիոյ կողմէ գրաւուած Արեւմտեան Հայաստանէն մեծածաւալ ջրաթողումներու եւ առատ անձրեւներու հետեւանքով։ Սուրիոյ իշխանութիւնները արտակարգ պատրաստուածութեան դրութիւն յայտարարած են Տէր-Զօրի, Ռաքքայի եւ Հալէպի մէջ։
Հեղեղումներուն հետեւանքով վնասուած են կամուրջներ, գիւղատնտեսական հողատարածքներ եւ բնակելի տուներ։ Երկրի ջրամբարներուն մէջ ջուրի մակարդակը մօտեցած է վտանգաւոր սահմանագիծին, ինչի պատճառով Եփրատի ամբարտակին միջոցով ջուրի բացթողումը կը շարունակուի։
Սուրիական կողմը կացութիւնը կը կապէ Թուրքիոյ կողմէ գրաւուած Արեւմտեան Հայաստանէն ջուրի հոսքին աճին հետ, մինչդեռ թրքական աղբիւրներու համաձայն՝ Աթաթուրքի ամբարտակին մէջ իրականացուած է վերահսկելի ջրաթողում՝ ջրամբարին մէջ ջուրի մակարդակի բարձրացման պատճառով։