Թիւրքական դատարանը «Հայերու դէմ իրականացուած ցեղասպանութիւն» արտայայատութիւնը խօսքի ազատութեան մէջ է դիտարկած

  • by Western Armenia, March 12, 2024 in Քաղաքականութիւն
36 դիտում

Աւարտին է հասած Տիգրանակերտի փաստաբաններու պալատի նախկին նախագահի եւ անդամներու դէմ՝ «Հայերու դէմ իրականացուած ցեղասպանութիւն» արտայայտութեան համար հարուցուած դատական գործընթացը։

Ինչպես կը տեղեկացնէ Mezopotamya գործակալութիւնը, դատարանը որոշած է, որ Տիգրանակերտին փաստաբաններու պալատի նախկին անդամներու կողմէն 1915-ի 24 Ապրիլին հետ կապուած յիշատակի միջոցառման ժամանակ «Հայերու դէմ իրականացուած  ցեղասպանութիւն» արտայայտութիւնը կը տեղավորուի խօսքի ազատութեան մէջ։

Նշենք, որ Տիգրանակերտին  փաստաբաններու պալատի նախկին նախագահի եւ անդամներու կողմէն կազմակերպուած եւ Հայերու դէմ իրականացուած ցեղասպանութեան յիշատակին նուիրուած  միջոցառմանը ատեն քանի մը անգամ օգտագործած են«Հայերու դէմ իրականացուած  ցեղասպանութիւն»  արտայայտութիւնը եւ հորդորած են թիւրքական իշխանութիւններուն ճանչնալ  այն։

Այս միջոցառումէն ետք հիշատակի միջոցառման կազմակերպիչներու եւ «Հայերու դէմ իրականացուած ցեղասպանութիւն» արտայայտութիւնն ըրած փաստաբաններու դէմ դատական գործընթաց էր սկսուած «թիւրք ազգը, երկիրն ու պետական օրգանները նուաստացնելու» մեղադրանքով։