Ժխտողականներ Էրդողան ու Նեթանյահուն ամոթաբար կը շահարկեն ցեղասպանութիւն եզրոյթը՝ զիրարու մեղադրելու համար

  • by Western Armenia, March 28, 2024 in Քաղաքականութիւն
46 դիտում

«Կալիֆոռնիա կուրիեր» թերթի գլխավւոր խմբագիր Յարութ Սասունեանը իր նոր յօդուածին մէջ կը գրէ , որ «Քաղաքականութիւնը տարօրինակ կողակիցներ կը ստեղծէ։ Իսրայէլն ու Թիւքիոն այդ տարօրինակ քաղաքական զոյգերէն են: Ի սկզբանէ անոնց գործընկերութեան մէջ կար որոշակի հիմք, որն աւելի ճիշտ կարելի է անուանիլ փոխադարձ շահագործում։ Իսրայէլը, շրջապատուած մեծ թվով թշնամական արաբական երկրներով, Թիւրքիոյ կարիքն ունէր՝ որպես իր քաղաքական եւ տնտեսական դաշնակից եւ իսլամական պետութիւն, որը 1949-ին դիվանագիտական յարաբերութիւններ էր հաստատած Իսրայէլին հետ: Մինչդեռ, Թիւրքիան Իսրայելին կարիքն ունէր տարբեր պատճառներաւ՝ ներառեալ Արեւմուտքի քաղաքական աջակցութիւնը, առաջադէմ զէնքի ձեռքբերումը եւ միլիարդաւոր դոլարներու տուրեւառը: Այս կեղտոտ դաշինքին մէկ այլ կողմն այն էր, որ երկու երկրներն ալ կը ժխտէին Հայերու դէմ իրականացուած ցեղասպանութիւնը: Թիւրքիոն օգտագործեց Իսրայելին հետ իր յարաբերութիւնները՝ համոզելու ԱՄՆ հզոր հրեական լոբբիին՝ արգելափակիլ ԱՄՆ Կոնգրեսի կողմէն Հայերու դէմ իրականացուած  ցեղասպանութեան ճանաչումը։ Թիւրքիոն ճնշում կը գործադրէ Իսրայէլին վրայ՝ արգելափակելու Հոլոքոստի եւ ցեղասպանութեան վերաբերեալ միջազգային կոնֆերանսը Թել Աւիվին մէջ 1982-ին, եւ կանխելու՝ Հայերու դէմ իրականացուած  ցեղասպանութեան մասին վավերագրական ֆիլմին հեռարձակումն ու Կնեսետի կողմէն ցեղասպանութեան ճանաչումը։ Թիւրքիոն այնքան հեռուն գնաց, որ սպառնաց իր ներքին հրեական համայնքին եւ պահանջեց  Պօլսի  գլխաւոր ռաբբիէն Թիւրքիոյ անունէն լոբբինգ իրականացնիլ ամերիկեան հրեական կազմակերպութիւններու մէջ: 2009-ին Շուէցարիոյ Դաւոս քաղաքին մէջ, Համաշխարհային տնտեսական ֆորումին ընթացքը, համաշխարհային ղեկավարներու ներկայութեամբ Էրդողան ըաաւ Իսրայէլի նախագահ Շիմոն Պերեսին. «Ես շատ լաւ գիտեմ, թէ դուք ինչպէս սպանած երեխաները (Գազայի) լողափերու վրայ»։

Իսրայելին վրայ՝ «ՀԱՄԱՍ»-ի վերջին հարձակումէն ետք Էրդողան «ՀԱՄԱՍ»-ն անուանեց «ազատութեան մարտիկներ», իսկ Նեթանյահուին նմանեցուց այսօրուա նացիստներուն՝  «Հիտլերին, Մուսոլինիին եւ Ստալինին»:

2024-ի Յունուարին Իսրայէլի արտգործնախարարն իր թւիթերին մէջ գրեց. «Թիւրքիոյ նախագահ Էրդողան Հայերու դէմ իրականացուած ցեղասպանութեան պատմութիւն ունեցող երկրէն այժմ կը պարծենայ Իսրայէլին դէմ անհիմն մեղադրանքներով: Մենք կը յիշենք հայերուն։ Ձեր պատմութիւնը ինքնին խօսուն է։ Իսրայէլը կը պաշտպանուի ձեր բարբարօս դաշնակիցներէն, ոչ թէ կը կործանէ»։

Աւելի վաղ Նեթանյահուն, որն ինքն ալ չէր ճանչնար Հայերու դէմ իրականացուած ցեղասպանութիւնը, քննադատեց Էրդողանին՝ ցեղասպանութիւնը ժխտելու համար։ Նեթանյահուն իր թուիթերեան էջին վրայ գրեց․ «Իսրայէլը, որը հաւատարիմ է պատերազմի օրենքներուն, չի ընդունէր Էրդողանի բարոյական քարոզները, որն կ՚աջակցէ ՀԱՄԱՍ ահաբեկչական կազմակերպութեան մարդասպաններուն եւ բռնաբարողներուն, կը ժխտէ հայկական Հոլոքոստը, կը կոտորէ քուրդերուն իր երկրին մէջ եւ կը վերացնէ վարչակարգին հակառակորդներուն ու լրագրողներուն»: Այնուամէնայնիւ, Նեթանյահուն կը շարումակէ զինիլ Թիւրքիոյ դաշնակից Բաքուին՝ արդիական զէնքերով, որոնք օգտագործուած են Արցախին մէջ՝ հայերու դէմ նոր ցեղասպանութիւն իրականացնելու համար։

Եզրափակելով՝ թէ՛ Էրդողան, եւ թէ՛ Նեթանյահուն պետք է ամաչեն իրենց վեճերու մէջ Հայերու դէմ իրականացուած  ցեղասպանութիւնը եւ Հոլոքոստը՝ որպէս սակարկութեան առարկայ օգտագործելու համար:

Միմեանց կշտամբելու համար ցեղասպանութիւն եզրոյթը, որպէս մահակ, օգտագործելու փոխարէն ե՛ւ Իսրայէլ, ե՛ւ Թիւրքիոն պետք է շուտուընէ ճանչցած ըլլային Հայերու դէմ իրականացուցած  ցեղասպանութիւնը, որպէսզի դասուէին քաղաքակիրթ պետութիւններու շարքը։