Իշխող կառավարութիւնը երկրաշարժի գօտին մէջ կ’իրականացնէ ամայացման քաղաքականութիւն. Ալեւիներու դաշնակցութիւն

  • by Western Armenia, March 30, 2023 in Քաղաքականութիւն
196 դիտում

Բռնազաւթուած Արեւմտեան Հայաստանի մէջ Արդարութիւն եւ զարգացում, Ազգայնական շարժում կուսակցութիւններու  կառավարութիւնը ամբողջ թափով կը շարունակէ իր ջանքերը՝ երկրաշարժէն ետք ալեւիներով բնակեցուած շրջաններու ժողովրդագրական կառուցուածքը փոխելու եւ շրջանը ամայացնելու ուղղութեամբ։

Ալեւի Բեկթաշիներու դաշինքի գլխաւոր քարտուղար Օզկիւր Քափլան այս առիթով յայտարարած է. «Որպէս Դաշնութիւն՝ մեր սեփական ուժերով մենք ամէն ջանք ի գործ պիտի դնենք, որպէսզի կանխենք տարածաշրջանի ամայացումը, բայց նաեւ պիտի պարտադրենք իշխանութիւններուն՝ իրենց քայլերը ձեռնարկելու ժողովրդավարական միջոցներով»։

Նշելով, որ երկրաշարժէն 48 ժամ անց իրենք այցելած են Սամոսատ, Օզկիւր Քափլան նշած է. «Երբ գացինք Սամոսատ (Ատըեաման), տեսանք իշխանութիւններուն անգործութիւնը. ելեկտրականութիւնն ու հեռախօսակապն անջատուած էր, թաղամասերուն մէջ ջուր չկար։ Ես Սամոսատի  այն թաղամասն էի, ուր ալեւիները կ’ապրէին: Միւս թաղամասերուն մէջ ելեկտրականութիւն քիչ անց միացուեցաւ, ալեւիներու թաղամասին մէջ նման բան չեղաւ: Ոչ մէկ օգնութիւն եղած է, ալեւիներուն նկատմամբ խտրական վերաբերմունք դրսեւորուած է, ալեւիական հաստատութիւններու, հասարակական կազմակերպութիւններու կողմէ ուղարկուած օգնութիւնները կ’առգրաւուէին Արտակարգ իրավիճակներու վարչութեան կողմէ»։

Արեւմտեան Հայաստանի կառավարութեան տեսադաշտէն չի վրիպիր Արեւմտեան Հայաստան ապրող բնիկներուն առնչուող որեւէ խնդիր: Երկրաշարժին յաջորդող առաջին իսկ օրերէն մեր կառավարութիւնը օգնութիւն ցոյց տուած է աղէտի գօտիին մէջ յայտնուած մեր հայրենակիցներուն՝ տրամադրելով մարդասիրական օգնութիւն՝ սնունդ, առաջին բժշկական օգնութեան պարագաներ եւ վրաններ: Միջազգային ատեանները տեղեկացուցած ենք նաեւ բնիկներու՝ յատկապէս տարածաշրջանին մէջ ապրող արեւիներուն հանդէպ դրսեւորուող խտրական քաղաքականութեան մասին, քանի որ արեւիները ոչ միայն հայ ցեղին կը պատկանին, այլեւ բնիկ են, իսկ թրքական իշխանութիւնները շատ են բնիկ ցեղէն: