Ըստ թարմացուած տուեալներուն՝ Իրանի հետ պատերազմի ընթացքին ԱՄՆ-ի ռազմաօդային ուժերը կրած են շարք մը օդանաւային կորուստներ եւ վնասներ։ Մասնաւորապէս՝ պատերազմի սկիզբը երեք F-15E կործանիչ, ըստ հրապարակման, խոցուած է «բարեկամական կրակ»ի հետեւանքով, իսկ եւս մէկը՝ Ապրիլ 3-ին Իրանի տարածքին մէջ։

Կը հաղորդուի նաեւ Մուաֆֆաք աս-Սալթի ռազմակայանին իրանական հրթիռային հարուածի հետեւանքով եւս շուրջ 8 օդանաւի վնասման մասին, սակայն այս տուեալը հաստատող փաստաթուղթեր տակաւին չեն հրապարակուած։

KC-135 լիցքաւորող օդանաւերէն երկուքը խոցուած են, եւս մինչեւ 7-ը՝ վնասուած։ Մարտ 12-ին Իրաքի երկինքին մէջ երկու KC-135 բախած են իրարու՝ պատճառ դառնալով 6 զոհի։

Մարտ 14-ին Սէուտական Արաբիոյ Փրինս Սուլթան օդային ռազմակայանին հասցուած հարուածէն եւս 5 KC-135 վնասուած է։ Մարտ 27-ին նոյն ռազմակայանին մէջ հարուածի ենթարկուած է նաեւ E-3G Sentry վաղ նախազգուշացման օդանաւը։ Փենթակոնը զայն արձանագրած է իբրեւ վնասուած, մինչդեռ CBO-ն, ըստ հրապարակման, զայն փաստացի կորուստ կը համարէ։

Կը նշուի նաեւ երկու A-10-ի եւ մէկ F-35A-ի վնասման մասին։