Մերձաւոր Արեւելքի մէջ ռազմական գործողութիւնները չեն դադրիր։ Ամերիկայի Միացեալ Նահանգներու նախագահ Տոնալտ Թրամփը յայտնուած է Դեմոկրատական կուսակցութեան ներկայացուցիչներու խիստ քննադատութեան տակ՝ Իրանի եւ Լիբանանի դէմ շարունակուող ռազմական գործողութիւններու շրջանակին մէջ։
Ամերիկայի Միացեալ Նահանգներու եւ Իսրայէլի զինուած ուժերը շարունակած են հարուածներ հասցնել տարբեր թիրախներու։ Ռմբակոծուած է Պէյրութի մերձակայքը գտնուող հիւրանոցներէն մէկը, ինչպէս նաեւ Ղոմ քաղաքին մէջ գտնուող Փորձագէտներու ժողովի շէնքը։ Նախնական տուեալներով՝ երկու երկիրներուն մէջ զոհերու ընդհանուր թիւը անցած է 800-ը։
Միաժամանակ, Իրան չորրորդ գիշերն անընդմէջ պատասխան հարուածներ կը հասցնէ Իսրայէլի եւ ամերիկեան կառոյցներու դէմ տարածաշրջանին մէջ։ Հարուածներու մասին տեղեկութիւններ ստացուած են նաեւ Տուպայ քաղաքին մէջ գտնուող ամերիկեան հիւպատոսութեան եւ Ֆուճէյրա նաւահանգիստին ուղղութեամբ։
Տարածաշրջանին մէջ իրավիճակը կը շարունակէ մնալ ծայրայեղ լարուած, մինչդեռ միջազգային հանրութիւնը կոչ կ’ուղղէ անհապաղ դադրեցնել ռազմական գործողութիւնները եւ վերադառնալ բանակցային գործընթացին։