Մերձաւոր Արեւելքի մէջ շարունակուող ռազմական հակամարտութեան շրջանակին մէջ Իրան մօտ է երկրի նոր գերագոյն առաջնորդին անունը յայտարարելու հանգրուանին։ Իրանցի հոգեւորականներէն մէկը նշած է, որ «Խամենէիի անունը պիտի շարունակէ գոյութիւն ունենալ», ակնարկելով, թէ նոր առաջնորդը պիտի շարունակէ նախորդ քաղաքական գիծը։ Միաժամանակ ԱՄՆ նախագահ Տոնալտ Թրամփ յայտարարած է, որ նոր առաջնորդը «երկար պիտի չդիմանայ առանց իր աջակցութեան»։
Այդ ընթացքին Իսրայէլ նոր հարուածներ հասցուցած է Թեհրանին։ Քաղաքին մէջ օդը լեցուն է ծուխով՝ յատկապէս ուժային ենթակառուցուածքներու վրայ նախկին յարձակումներէն ետք։ Հարուածներուն հետեւանքով վնասուած են վառելիքի եւ նաւթի պահեստարաններ։
Միաժամանակ ԱՄՆ զինուած ուժերը զգուշացուցած են Իրանի բնակչութիւնը հնարաւորինս մնալ տուներուն մէջ՝ յայտարարելով, թէ իրանական կողմը անօդաչու սարքեր եւ հրթիռներ կ’արձակէ բնակեցուած շրջաններէն, ինչ որ կրնայ այդ տարածքները վերածել ռազմական թիրախներու։
Պատերազմը անդրադարձած է նաեւ տնտեսութեան վրայ։ ԱՄՆ-ի մէջ պենզինի գիներու աճը մտահոգութիւն յառաջացուցած է, սակայն նախագահ Թրամփ զայն բնութագրած է որպէս «փոքր խափանում»՝ վստահեցնելով, որ իրավիճակը վերահսկելի է։