Հայաստանն ու Արցախը միակամ են արցախահայութեան իրաւունքներու եւ հայրենիքի միջազգային ճանաչման պայքարին. ՀՀ ԱԳՆ

  • by Western Armenia, February 22, 2022 in Քաղաքականութիւն
158 դիտում

ՀՀ արտաքին գործերու նախարարութիւնը յայտարարութիւն տարածած է Արցախի վերածնունդի օրուայ կապակցութեամբ:

«1988թ. Փետրուարի 20-ին Արցախի Ինքնավար Մարզի ժողովրդական պատգամաւորներու խորհուրդը պատմական որոշում կայացուցած է` խաղաղ միջոցներով պայքարիլ արցախահայութեան նկատմամբ էթնիկ խտրականութեան եւ զտումներու տասնամեակներու քաղաքականութիւնն դադարեցնելու եւ ինքնորոշման իրաւունքն իրացնելու համար։

Այս իրադարձութիւններէն 34 տարի ետք՝ չնայած տեղի ունեցած արհաւիրքներուն՝  Ատրպէյճանական ԽՍՀ-ի կողմէ իրականացուած դաժան ջարդերուն, էթնիկ զտումներուն, ապա արիւնալի 2 Արցախեան պատերազմներուն, Հայաստանն ու Արցախը կը շարունակեն միակամ ըլլալ համազգային իղձերու իրականացման, պետականութեան եւ ինքնիշխանութեան, արցախահայութեան իրաւունքներու եւ հայրենիքի միջազգային ճանաչման համար արդար պայքարին»,- կ՛ըսուի յայտարարութեան մէջ։