Հայաստան-ԵՄ-ԱՄՆ պրիւսելեան հանդիպման կիզակետը հայ-ատրպէյճանական խաղաղութեան գործընթացը չի ըլլալու.Մեթիւ Միլլեր

  • by Western Armenia, April 02, 2024 in Քաղաքականութիւն
43 դիտում

ԱՄՆ պետքարտուղարութիւնը յայտարարած է, որ 05 Ապրիլ Պրիւսելին մէջ Նիկոլ Փաշինեանի, Եւրոպական հանձնաժողովի նախագահ Ուրսուլա Ֆոն դեր Լեյենի եւ ԱՄՆ պետքարտուղար Էնթոնի Բլինկենի կայանալիք հանդիպման կիզակետը հայ-ատրպէյճանական խաղաղութեան գործընթացը չի ըլլալու: Ասոր մասին ճեպազրոյցին ատեն ըսած է Պետքարտուղարութեան խօսնակ Մեթիւ Միլլեր:

Յիշեք, որ այս հանդիպումը Արեւելեան Հայաստանի բարեփոխումներու եւ անոր ժողովրդավարութեան, տնտեսութեան եւ դիմացկունութեան մասին է: Խաղաղութեան գործընթացն այս հանդիպման կիզակետը չէ. աս հանդիպում է ԱՄՆ-ի, ԵՄ-ի եւ Հայաստանի միջեւ՝ քննարկելու տնտեսական դիվերսիֆիկացումը, մարդասիրական օգնութիւնը, փախստականներուն աջակցիլը,  ժողովրդավարութեան եւ օրէնքի գերակայութեան ոլորտներու մէջ Արեւելեան Հայաստանի քաղաքական բարեփոխումներուն աջակցութիւնը: Ատ տարածաշրջանային ուղղուածութիւն ունեցող հանդիպում չէ:

Աւելի վաղ Պետքարտուղութիւնը յայտարարած էր, որ համակարծիք չէ Բաքուի  ԱԳՆ-ի յայտարարութեան հետ առ այն, որ 05 Ապրիլ Պրիւսելին մէջ Նիկոլ Փաշինեանի, Եւրոպական հանձնաժողովի նախագահ Ուրսուլա Ֆոն դեր Լեյենի եւ ԱՄՆ պետքարտուղար Էնթոնի Բլինկենի կայանալիք հանդիպումը «ակնյայտորեն միակողմանի է, կանխակալ եւ հիմնուած երկակի ստանդարտներու վրայ»։ 

2023-ի 05 Հոկտեմբեր Արեւելեան Հայաստանի վարչապետ Նիկոլ Փաշինեան եւ Եւրոպական հանձնաժողովի նախագահ Ուրսուլա ֆոն դեր Լայեն Գրանադային մէջ հանդիպումէն ետք յանդէս էին եկած համատեղ յայտարարութեամբ: Ուրսուլա ֆոն դեր Լայեն տեղեկացուցած էր Արեւելեան Հայաստանին աջակցելու համար ԵՄ-ԱՄՆ համատեղ միջոցառման նախապատրաստման մասին։