«Մենք կանք»-ը դիմած է միջազգային շարք մը կառոյցներու

  • by Western Armenia, April 12, 2024 in Քաղաքականութիւն
45 դիտում

Արցախցիներու «Մենք կանք» նախաձեռնութիւնը կոչով դիմած է Կարմիր խաչի միջազգային կազմակերպութեանը եւ  շարք մը այլ միջազգային կառոյցներու։

«Մեր պահանջը ԿԽՄԿ–էն, ՄԱԿ–էն, ԵԱՀԿ-էն, ԵՄ–էն, ԵԽ–էն եւ միւս կազմակերպութիւններէն տէ՛ր կանգնեցէ՛ք ձեր իսկ հռչակած արժէքներուն ու պաշտպանէ՛ք Արցախի բնիկ ժողովուրդի անքակտելի իրաւունքները: Ստեղծէ՛ք մոնիտորինգային առաքելութիւններ, դիտորդական խումբեր ղրկէ՛ք, Ստեփանակերտին մէջ բացէ՛ք ներկայացուցչական գրասենեակներ եւ ձեր աչքերով տեսէ՛ք այն գազանութիւնները, որոնք շատ հեռու են «խաղաղութեան օրակարգէն»,- ըսուած է յայտարարութեան մէջ։

Կը նշուի, որ Արցախէն  Կարմիր խաչի միջազգային կոմիտէի դուրսբերումը Արցախի բնիկ ժողովուրդի իրաւունքներու խախտման շղթայի հերթական օղակի անտեսումն է միջազգային կազմակերպութիւններու կողմէն:

«Մենք կանք» նախաձեռնութիւնը կը դիմէ ԿԽՄԿ ղեկավարութեանն ու միջազգային միւս կառոյցներուն մէկ հարցադրմամբ՝ ո՞ւմ վրար կը թողուք մեր յուշարձաններու, եկեղեցիներու, մշակութային կոթողներու, գերեզմաններու, գոյքի պաշտպանութիւնը:

««Սեւ խոռոչի» վերածուած Արցախին մէջ, որտեղ չկաձ միջազգային որեգէ վերայսկողութիւն եւ դիտորդական առաքելութիւն, աշխարհի աչքի առաջ կը վերախմբագրուի տարածաշրջանի ազգերու պատմութիւնը։ Բաքուն կը շարունակէ հետեւողականօրէն ոչնչացնիլ հայկական ժառանգութիւնը՝ բացառելու համար հայերու վերադարձը հայրենիք: Միջազգային բոլոր կառոյցներն իրենց յանցաւոր լռութեամբ մասնակից կը դառնան մեզի հայրենիքէն զրկելու այդ գործընթացին»,– կը շեշտէ «Մենք կանք»–ը: