Արտասահմանաբնակ պոլսեցի յոյներու Տիեզերական Դաշնութիւնը 1955 թուականի Սեպտեմբերի 6-7-ի ջարդերու 71-րդ տարելիցին առիթով դիմած է Թուրքիոյ Ազգային Մեծ Ժողովին՝ պահանջելով քննարկել այդ դէպքերը եւ քայլեր ձեռնարկել յունական համայնքի պահպանութեան ուղղութեամբ։
Ինչպէս կը յայտնէ Akunq.net-ը՝ վկայակոչելով «Ակօս» շաբաթաթերթը, Դաշնութիւնը խնդրագիր ուղարկած է ԹԱՄԺ-ի նախագահ Նուման Քուրթուլմուշին։ Փաստաթուղթին մէջ կը նշուի, որ 1955 թուականի դէպքերուն հետեւանքները մինչեւ այսօր զգալի են, իսկ Պոլսոյ յունական համայնքը, որ նախկինին աւելի քան 100 հազար անդամ ունէր, այսօր կը հաշուէ 1000-էն պակաս մարդ։
Դաշնութիւնը կը պահանջէ, որ Սեպտեմբերի 6-7-ի դէպքերը ներառուին Մեջլիսի օրակարգին մէջ եւ պաշտօնապէս դատապարտուին։ Միաժամանակ կոչ կ՚ուղղուի աջակցելու արտագաղթած պոլսեցի յոյներու վերադարձին եւ միջոցներ ձեռնարկելու Պոլսոյ, Գէօքչէի եւ Պոզճա կղզիներու յունական համայնքներու պահպանութեան համար։
Խնդրագիրին մէջ նաեւ կը շեշտուի, որ վերջին 15 տարիներուն կառավարութեան ներկայացուած բազմաթիւ առաջարկներ տակաւին չեն իրականացուած։