Պահանջատիրական ցոյց Թբիլիսիին մէջ՝ Թիւրքիոյ դեսպանատան առջեւ 

  • by Western Armenia, April 27, 2024 in Քաղաքականութիւն
46 դիտում

24 Ապրիլ Թբիլիսիին մէջ Հայերու դէմ իրականացուած Ցեղասպանութեան զոհերու 109-րդ տարելիցին կայացաւ պահանջատիրական ցոյց Թիւրքիոյ դեսպանատան առջեւ։ Ասոր մասին կը տեղեկանանք Վրաստանի հայ համայնքի դիմատետրին էջէն:

«Դեսպանատան առջեւ նաեւ ցուցադրուած էր «Հայերու դէմ իրականացուած Ցեղասպանութիւն 1915-2023թթ.» թեմայով լուսանկարներ։

Ցոյցէն ետք խումբ մը երիտասարդներ իրենց բողոքը շարունակեցին Եւրոմիութեան ներկայացուցչութեան գրասենեակին դիմաց։

Նոյն օրը առտուն, Վիրահայոց թեմի Սուրբ Գեւորգ առաջնորդանիստ եկեղեցիին մէջ` Թեմակալ առաջնորդ Գերաշնորհ Տեր Կիրակոս եպիսկոպոս Դավթեանի հանդիսապետութեամբ, կատարուեցաւ բարեխօսական կարգ` ի յիշատակ հաւատքի եւ հայրենիքի համար զոհուած Հայերու դէմ իրականացուած Ցեղասպանութեան Սուրբ նահատակներու»,- նշուած է տեղեկատւութեան մէջ։