Պետք է յիշենք եւ յարգենք Հայերու ցեղասպանութեան զոհերու յիշատակը․ Կանադայի վարչապետին ուղերձը

  • by Western Armenia, April 24, 2024 in Քաղաքականութիւն
49 դիտում

Կանադայի վարչապետ Ջասթին Թրիւդոն յայտարարութիւն է տարածած Հայերու դէմ իրականացուած  ցեղասպանութեան 109-րդ տարելիցին։

«Այսօր՝ Հայերու դէմ իրականացուած  ցեղասպանութեան յիշատակին օրը մենք կը միանանք Կանադայի եւ ամբողջ աշխարհի հայկական համայնքներուն։ Մենք կը յիշենք պատմութեան այս մութ գլուխը, կը յարգենք անոնց, ովքեր կորցուցին իրենց կեանքը եւ կը յիշէ այն տրավման, որը շատերը կը շարունակեն կրիլ։

Քսան տարի առաջ Կանադայի կառավարութիւնը միացաւ միջազգային հանրութեան անդամներուն՝ պաշտօնապէս ճանչնալով Հայոց ցեղասպանութեան պատմական եւ ողբերգական իրողութիւնը: Այս ճանաչումը խորը նշանակութիւն ունէ շատ կանադացիներու, մասնաւորապէս կանադահայերու համար։  Միասին մենք կապահովենք, որ տոյժածներու պատմութիւնը երբեք չմոռացուի։

Կանադային մէջ ապրիլը կը համարուի Ցեղասպանութեան, յիշատակի, դատապարտման եւ կանխարգելման ամիս, այն մեզի կը յիշեցնէ անտարբերութեան հետեւանքներու մասին։ Մենք պետք է յիշենք եւ յարգենք Հայերու դէմ իրականացուած ցեղասպանութեան զոհերու յիշատակը։ Մենք պետք է կանգնենք ընդդէմ ատելութեան՝ ի պաշտպանութիւն բազմազանութեան, ներառականութեան եւ մարդու իրաւունքներու. ատ է մեր ընդհանուր, հաւաքական պատասխանատւութիւնը:

Հայոց ցեղասպանութեան յիշատակին օրը մտորումներու եւ ոգեկոչման ժամանակ է»,- կ՚ասուի Թրիւդոյի յղած ուղերձին մէջ։ Ան կոչ է ըրած բոլոր կանադացիներուն հետաքրքրուիլ եւ իմանալ այն իրադարձութիւններու մասին, որոնք այդքան զոհերու պատճառ դարձան։ «Եկեք կառուցենք հասարակութիւն, որտեղ ամէն մէկն իրեն ապահով կզգայ խտրականութենէ եւ բռնութենէ»,- եզրափակած է ուղերձը Թրիւդոն։