ՌՀԿՀԽ-ն դիմեր է ՅՈւՆԵՍԿՕ-ին, Ջուղայի մէջ ոչնչացուած հայկական խաչքարերուն առնչութեամբ

  • by Western Armenia, March 08, 2019 in Միջազգային Քաղաքականութիւն
242 դիտում
Ռուս-հայկական կազմակերպութիւնը համակարգող խորհուրդը (ՌՀԿՀԽ) դիմեր է ՅՈւՆԵՍԿՕ-ի գլխաւոր քարտուղար տիկին Օդրի Ազուլէին, ուշադրութիւն հրաւիրելով վանդալիզմի հրեշաւոր փաստին վրայ, որ տեղի ունեցեր է 1998-2005 թուականներուն Ատրպէյջանի մէջ, Նախճաւանի Ինքնավար Հանրապետութեան տարածքին, որն անցյալին պատմական Հայաստանի մէկ մասն էր։ Ջուղա քաղաքին (Հին Ջուղա) մօտ  տեղի ունեցեր է գերեզմանատան նպատակաուղղուած ոչնչացում՝ այնտեղ գտնուող հազարաւոր միջնադարեան հայկական խաչքար-յուշարձաններու ոչնչացմամբ։ Համաձայն Յուշարձաններու պահպանութեան միջազգային խորհուրդի (ICOMOS), արեւմտեան ԶԼՄ-ի եւ հայկական աղբիւրներու՝ հայկական մշակոյթի հնագոյն յուշարձաններու ոչնչացումը նախաձեռնուեր է Ատրպէյջանի իշխանութիւններուն կողմէ։ Հայկական գերեզմանատան մէջ գտնուող բոլոր խաչքարերը ջարդուփշուր եղած են: Այս աղաղակող գործողութիւնը, ցաւօք, չէ արժանացած միջազգային հանրութեան դատապարտման։ Այնինչ, հայկական խաչքարերը 2010 թուականին ներառնուեր էին ՅՈւՆԵՍԿՕ-ի (Միացեալ Ազգերու Կազմակերպութեան կրթութեան, գիտութեան եւ մշակոյթի հարցերու յատուկ հաստատութիւն) ոչ նիւթական մշակութային ժառանգութեան ցուցակէն ներս։ Ռուս-հայկական կազմակերպութիւնը համակարգող խորհուրդը (ՌՀԿՀԽ) կը դատապարտէ այս վերաբերմունքը ներկայիս Ատրպէյջանի տարածքին հայկական մշակոյթի եւ արուեստի յուշարձաններուն հանդէպ, եւ կոչ կ՛ընէ գնահատական տալ Ջուղայի (Հին Ջուղա) խաչքարերու ոչնչացման վերաբերեալ։ Յիշեցնենք, որ Ոչնչացումէն առաջ Ջուղայի հայկական գերեզմանատունը աշխարհի խաչքարերու  ամենամեծ հաւաքատեղին էր։