«Տեսանիւթը ցոյց կու տայ ատրպէյճանցի «բնապահպան ցուցարարներ»ու իրական մտադրութիւնները». Արման Թաթոյեան

  • by Western Armenia, February 15, 2023 in Քաղաքականութիւն
130 դիտում

Իրաւունքի եւ արդարութեան կեդրոն «Թաթոյեան» հիմնադրամը իր ֆէյսպուքեան էջին կը յայտնէ. «Այս տեսանիւթը բազմաթիւ ապացոյցներէն հերթականն է, որ ցոյց կու տայ արդէն 2 ամիսէ աւելի Արցախը Հայաստանին ու աշխարհին կապող միակ ճանապարհը փակած Ատրպէյճանի կառավարութեան «բնապահպան ցուցարար» գործակալներու իրական մտադրութիւնները: Անոնք կը վիրաւորեն Արցախի բնիկ ժողովրդը` հայ ժողովուրդի անբաժանելի մասը, կը հրճուին ճանապարհը փակելու առթիւ. այս է անոնց իրական վերաբերմունքը:

Այս 2022թ. Դեկտեմբերի 14-ի` ճանապարհը փակելու 2-րդ օրուան տեսանիւթ է:Այս տեսանիւթը եւս ներառուած եւ վերլուծուած է յառաջիկային հրապարակուելիք զեկոյցին մէջ, ուր ապացոյցներով բացայայտուած են բազմաթիւ «բնապահպան ցուցարարներ»:
Արեւմտեան Հայաստանը դրական կը գնահատէ Թաթոյեան հիմնադրամի ներդրած ջանքերը, քանզի անոնք ուղղուած են կեղծ բնապահպան ցուցարարներու իրական դէմքի բացայայտման։ Այս փաստերը պէտք է հանրայանացուին եւ  ներկայացուին գլխաւորաբար միջազգային հանրութեան ու լսարանին։